Кристијано Роналдо ќе го продолжи договорот со Ал-Наср до јуни 2026 година, откако се шпекулираше за тоа каде ќе игра наредната сезона, објави португалскиот весник „А Бола“, повикувајќи се на саудиски извори.
На Роналдо актуелниот договор со Ал-Наср му истекува на крајот од сезоната, а според новиот договор, ќе продолжи да заработува 200 милиони евра годишно, односно 16,67 милиони месечно, 3,88 милиони неделно или 555.555 евра дневно.
🚨💣 Cristiano Ronaldo will reportedly renew his contract with Al-Nassr until June 2026 and earn an annual salary of €200M.
— Football Tweet ⚽ (@Football__Tweet) January 13, 2025
🗞️ @abolapt pic.twitter.com/Gb4LwngIVL
Овој износ би можел да се зголеми во зависност од бонусите за потпишување и комерцијалните приходи поврзани со авторските права.
Саудискиот весник „Ал Кхабара“ наведува дека Ал-Наср се обврзал да го направи тимот поконкурентен, со оглед дека моментно заостануваат девет бодови зад лидерот на саудиското првенство, Ал-Итихад.
Роналдо и оваа сезона игра извонредно и постигна 17 голови со три асистенции на 20 натпревари, а вкупно, од неговото доаѓање во Ал-Наср, постигнал 81 гол на 90 натпревари.
