Кристијано Роналдо беше прогласен за најдобар фудбалер на Блискиот Исток во изборот на „Globe Soccer Awards“ во Дубаи. По добивањето на ова признание легендарниот Португалец повторно потенцираше колку е силна лигата во Саудиска Арабија каде игра моментално во тимот на Ал Наср.
„Првенството во Саудиска Арабија е посилно од тоа во Лига 1 во Франција. Само обидете се да спринтувате на 38, 39 или 40 степени и ќе видите за што ви зборуваме. Франција го има ПСЖ, но останатите се готови“, рече Роналдо.
Според Роналдо, прв фаворит за освојување на титулата во Лигата на шампиони е Реал Мадрид, а потенцираше и дека по завршување на играчката кариера, не планира да стане тренер.
