Кристијано Роналдо со два гола го спаси Јувентус од пораз на гостувањето кај Рома, во дербито од второто коло во Серија А. Португалецот прво погоди од пенал, а потоа со фантастичен гол со глава во второто полувреме израмни за конечни 2:2.
Токму погодокот со глава беше и јубилеен за Роналдо. Кристијано стигна до бројката од 450 првенствени погодоци во Топ-5 лигите во Европа. Португалецот има погодувано во Англија како играч на Манчестер јунајтед, во Шпанија во дресот на Реал Мадрид, а сега и во Италија како член на Старата дама.
Ниту еден друг фудбалер во историјата нема стигнато до 450 првенствени гола во Топ-5 лигите во Европа. Најблиску до Роналдо, секако, е Лионел Меси.
Аргентинецот кој целата кариера ја поминува во Барселона, вечерва погоди еднаш во победата над Вилјареал од 4:0. За Меси тоа беше вкупно 445-ти погодок во Примера дивисион и е само на пет погодоци зад Роналдо, кога се работи бројот на реализации во Топ 5 првенствата во Европа.
Cristiano Ronaldo is the first player in history to score 450 goals across Europe’s big five leagues.
Reaching the milestone with a trademark header. ✈️ pic.twitter.com/Tc3NyoVcau
— Squawka Football (@Squawka) September 27, 2020
