Кристијано Роналдо повторно го привлече вниманието откако се пофали со нов приватен авион вреден 70 милиони евра. Станува збор за Gulfstream G650, еден од најбрзите и најлуксузни млазни авиони во светот, со досег од 7 500 наутички милји.
Авионoт е обвиен во сјајна металик боја, а на каросеријата е истакнато неговото препознатливо лого CR7. Во внатрешноста се наоѓаат три одделни кабини со различни простории за престој, кои можат да примат до 19 патници. На средината на авионот е прикажана силуета на Роналдо во неговата карактеристична поза на прослава на гол.
Според „Ал Арабија“, Роналдо претходно беше сопственик на Gulfstream G200, кој го продаде за да ја набави поновата и понапредна верзија.
Португалскиот напаѓач моментално игра за саудискиот Ал-Наср и се наоѓа на врвот на листата на најплатените спортисти за 2024 година според „Форбс“, со заработка од 250 милиони евра годишно. Оваа сезона Роналдо постигна 16 гола и оствари три асистенции во 19 натпревари за својот тим.
