Руд ван Нистелрој треба да бие назначен за нов тренер на Лестер, пренесуваат странски медиуми. Прославениот холандски фудбалер, сезонава ја започна како помошник тренер во Манчестер јунајтед, а по отказот на Ерик тен Хаг, на четири меча ја имаше улогата и на главен тренер.
Во тие четири средби, Манчестер јунајтед со Ван Нистелрој на клупата, имаше три победи и едно реми. Интересно е дека две победи забележа над Лестер, една во Купот и една во првенството.
По доаѓањето на Рубен Аморим за нов тренер на Црвените ѓаволи, Ван Нистелрој си замина, а сега се очекува да го наследи Стив Купер во Лестер. Купер доби отказ поради лошите резултати сезонава.
Пред да дојде во Англија, Ван Нистелрој беше тренер и во ПСВ Ајндховен каде имаше биланс од 33 победи, 10 реми и само осум порази, а клубот освои два пехари.
