Вејн Руни за Божиќ се врати во родната земја и ја искористи шансата да замине на „Олд Трафорд“ и попладнево да го гледа дуелот на Манчестер јунајтед и Хадерсфилд. Руни во дресот на Јунајтед одигра 559 меча и даде 253 гола, со што е најдобар стрелец во клупската историја.
Руни веројатно задоволен си замина од стадионот, со оглед на победата на неговиот некогашен клуб, но при влегувањето се соочи со мала непријатност и како и на сите други навивачи, и нему му беше извршен претрес од обезбедувањето на „Олд Трафорд“.
Славниот 33-годишен напаѓач во моментов е член на ДЦ јунајтед од МЛС-лигата во САД, но постојано е во контакт со пријателите од Манчестер јунајтед, а иако 13 сезони играше на „Олд Трафорд“, 18 месеци не бил таму, па беше претресен.
