Телевизијата Еуроспорт објави една интересна статистика од САД опен. Станува збор за силата на форхендот, и шокантно, Белорусинката Арина Сабаленка која ќе игра финале во женска конкуренција, во просек го има најсилниот топ-спин форхенд од кој било во конкуренција на жени и мажи.
Нејзиниот просек на форхенд е со брзина од 129 км/ч, додека Карлос Алкараз е втор со 127 км/ч, а трет е Јаник Синер со 126 км/ч. На четвртата позиција е Новак Ѓоковиќ со просечна сила на форхенд од 122 км/ч.
Ова е импресивно и покажува дека Сабаленка би можела рамноправно да се носи и со најдобрите тенисери барем според силата со која удира форхенд.
