Некогашниот белоруски хокеар Константин Колцов пред четири дена ненадејно почина на само 43 години. Колцов во последните две и пол години беше во врска со една од најдобрите тенисерки на денешницата, Арина Сабаленка. Пред два месеци Сабаленка го освои Австралија опен, а Колцов беше на трибините и ја бодреше својата девојка.
Непосредно пред почетокот на Мастерсот во Мајами, Колцов беше пронајден мртов на земја пред еден хотел. Полицискиот извештај вели дека се работи за самоубиство и дека тој скокнал од балконот на хотелот. Два дена по смртта на Колцов, со реакција се јави и Сабаленка, која рече дека е скршена од болка, но дека ќе игра на турнирот во Мајами и дека таа и Колцов неодамна раскинале и повеќе не биле во врска.
Некои шпекулации велат дека Колцов се самоубил откако разбрал дека Арина има нов дечко и дека нема да сака да се смири со хокеарот. Тенисерката се фокусираше на настапот во Мајами, каде за прва противничка ја имаше својата најдобра пријателка, Паула Бадос. Токму Бадос била првата која ја тешела Сабаленка по дознавањето на трагичната вест за Колцов, а сега беа ривалки на теренот.
На крајот, Сабаленка победи со 6:4, 6:3 во меч кој траеше помалку од еден и пол час, а тоа што беше забележително е дека Белорусинката е одлично расположена, па во некои моменти знаеше и убаво да се насмее.
— News Aryna Sabalenka (@Sabanewsss) March 22, 2024
По завршување на мечот, двете најдобри пријателски се поздравија и со насмевки го напуштија теренот. Сабаленка во следното коло ќе игра против Анхелина Калинина од Украина.
Sabalenka & Badosa pic.twitter.com/1hHj3GnJ1n
— Dodikan #Tennis (@Dogukandilber) March 22, 2024
