Белорусија е единствената земја во Европа каде што нормално се игра фудбал без разлика на пандемијата со Коронавирусот. На стадионите дури има и навивачи, а на мечот меѓу Ислох Минск и Смолевичи домаќините се радуваа на победа од 1:0.
Погодокот за победа беше постигнат уште во деветата минута, а гостите може да жалат што не стигнаа барем до реми. Во 26-тата минута се случи ситуација која е една од најсмешните сезонава. Гостинскиот играч Иван Верас успеа да искористи едно истрчување на домашниот голман, ја сочува топката во своите нозе и пред себе имаше празен гол.
Верас шутираше од околу 30 метри, но не успеа да ја погоди празната мрежа, што на крајот се покажа како клучно за пораз на гостите.