Лерој Сане денес го дочека официјалното претставување во новиот клуб Баерн Минхен, иако преселбата од Манчестер сити ја оствари пред извесно време. На прес-конференцијата, покрај тоа што зборуваше за себе и за Баварците, Сане не сакајќи го потврди новиот голем трансфер во Премиер лигата.
„Челзи со ангажманите на Вернер и Хаверц успеа за едно лето да доведе два суперталенти од Германија“, истакна Сане.
Познато е дека Челзи и Баер Леверкузен работат на зделка околу услугите на Кај Хаверц, понудата од 100 милиони евра е прифатена и талентираниот офанзивец веќе ги договори условите. Се очекува Хаверц да потпише петгодишен договор, според кој ќе заработува 7,3 милиони фунти по сезона.
