Македонија утре игра важен квалификациски натпревар против Казахстан на кој очекува триумф и продолжување на позитивната серија во овој циклус.
Селекторот на гостите, Талгат Бајсуфинов, нагласи дека неговиот тим ќе даде максимум за позитивен резултат во Скопје, но нагласи дека македонската репрезентација е фаворит.
„Македонија е силна селекција и знаеме колку ѝ значи мечот со нас, но ние ќе се бориме за добар резултат. Против Лихтенштајн имавме среќа, се надевам ќе имаме слична ситуација и утре. Првиот меч со Македонија покажавме дека можеме да пропуштиме многу шанси, но сега реализацијата ни е подобрена. Ќе се обидеме да освоиме колку што е можно повеќе бодови до крајот на квалификациите, и тоа важи и за утрешниот натпревар“, рече Бајсуфинов.
Во првиот меѓусебен дуел, Казахстан го предводеше Али Алиев, кој по поразот од Белгија со 6-0 си поднесе оставка.
