Селекторот на македонската фудбалска репрезентација Игор Ангеловски најверојарно ќе направи две измени во однос на стартниот тим кој настапи во победата против Летонија пред четири дена. Повеќе од очекувано е на местото на повредениот Ферхан Хасани, да истрча Елиф Елмас. На дуелот против Летонија, токму Елмас го замени Хасани и постигна два гола.
Освен Елмас, меѓу стартерите се очекува да биде и Егзон Бејтулаи. Тој ќе го замени Александар Трајковски, што значи наместо напаѓачкото трио од дуелот со Летонија, во Љубљана, во офанзивниот дел ќе бидат Горан Пандев и Илија Несторовски.
Стефан Ристовски ќе добие малку поофанзивна задача по крилната позиција, а од другата страна ќе нападне Алиоски. Во средниот ред главни за креација на играта ќе бидат задолжени Николов, Барди и Елмас.
Состав на Македонија: Димитровски – Велковски, Муслиу, Бејтулаи – Ристовски, Николов, Барди, Елмас, Алиоски – Пандев, Несторовски.
