МЗТ Скопје Аеродром ја продолжи соработката со Бре Ајви на уште една сезона. Американскиот плејмејкер во редовите на актуелниот шампион пристигка кон крајот на минатата сезона и се покажа како одличен ангажман на Штрковите.
Ајви запиша 16 настапи во кои одржа просек од 1,5 поени и 4,3 асистенции по натпревар и одигра значајна улога во освојувањето на деветтата титула. Тој е четвртиот од низата кошаркари со договор за следната сезона, во која од Ајви Сино-белите очекуваат да демонстрира уште поголем квалитет, пред сè во АБА-лигата.
Од претходно осигурни се потписите на Адем Мекиќ, Бојан Крстевски и Дамјан Робев, летово договорот го обнови Дамјан Стојановски, додека во тимот по едногодишно отсуство се врати Андреј Магдевски. Нови ангажмани на македонскиот првак се Американците Мајк Кафи и Еван Максвел, како и српскиот интернационалец, Страхиња Миќовиќ.