Шекил О’Нил реши да влезе „во војна“ со сите оние кои се восхитуваат на игрите кои ги има Лука Дончиќ во НБА-лигата. Легендарниот центар смета дека Словенецот е одличен играч, но дека не е единствен таков во најсилната кошаркарска лига во светот.
Еден од најдоминантните играчи во историјата на НБА најпрво изјави дека во минатото имало кошаркари кои воодушевувале на теренот, но и дека сега има такви играчи. Шекил веднаш понуди три имиња на играчи кои се на нивото на Дончиќ.
„Не е вистина дека не го почитувам Лука. Само реков луѓето премногу се возбудуваат на игрите на Дончиќ. Тој е сјаен играч, но тоа што тој го прави, го гледам и кај други кошаркари. Таков играч е Стеф Кари. Таков е и Џејмс Харден. Тоа што го направи Дончиќ, минатата недела го видов и кај играч кој се вика Дамијан Лилард. Затоа велам само луѓето премногу да не се возбудуваат. Тоа е сè што сакам да кажам“, објаснува O’Нил, кој сепак заборави да потенцира дека овие тројца сигурно не играле на тоа ниво како Лука кога имале само 21 година.
