Далас маверикс победи во Лос Анџелес против Лејкерс со 109-104 во еден од најинтересните натпревари во НБА-лигата кои се играа синоќа.
Маверикс имаа убедливо водство по првото полувреме, но Лејкерс одиграа фантастично во третиот период и ја стопија негативата, за на крај, сепак, последната четвртина да им припадне на гостите и тие да победат.
Предводник на Маверикс беше Лука Дончиќ со 25 поени, од кои седум во последната четвртина. Словенецот во првата четвртина имаше едно одлично забивање преку Двајт Хауард, а потоа во финишот, кога беше чуван од Леброн Џејмс, успеваше да го помине и да дава поени.
Погледнете го можеби најатрактивното забивање во кариерата на Лука:
Лејкерс имаат шест порази на последните седум меча, а 0-3 по олстар-паузата, и загрозено им е местото дури и во плејин, како предигра за плејофот.
Ова е еден од дуелите на Дончиќ со Џејмс:
The Luka Doncic Experience #PhantomCam #MFFL pic.twitter.com/PDBwgnTC11
— NBA (@NBA) March 2, 2022
