Фудбалерите на Реал Мадрид изминатиот викенд и официјално станаа шампиони на Шпанија, откако на домашен терен го совладаа Кадис, а Барселона загуби на гостувањето кај Жирона.
Од раокводството на Ла Лига го информирале „кралскиот“ клуб дека планирано е следниот викенд на дуелот помеѓу Гранада и Реал Мадрид ќе биде доделувањето на шампионскиот пехар, но ова веднаш е отфрлено од раководството на новиот шампион на Шпанија.
„Нема смисла таму да славиме. Нема да го направиме тоа од почит кон Гранада и нивните навивачи, доколку баш тој ден тие испаднат од лигата.“ – велат од Мадрид.
Можно е екипата на Гранада баш на тој меч и официјално да испадне од Ла Лига, па од Реал Мадрид не сакаат да го слават успехот пред навивачите кои тагуваат за испаѓањето на својот клуб.
Предлогот на Реал Мадрид е шампионскиот пехар да биде доделен на 14-ти мај, кога на домашен терен играат против Алавес.
🚨 CONFIRMED: Real Madrid do not consider it appropriate to receive La Liga trophy in Granada’s stadium out of respect for Granada players who are risking relegation. @JLSanchez78 pic.twitter.com/pW3z1cMhI6
— Madrid Xtra (@MadridXtra) May 6, 2024
