Шпанскиот новинар Матео Морето тврди дека следната сезона во Реал Мадрид ќе има нов тренер, кој ќе дојде на местото на Карло Анчелоти. Веќе подолг период се шпекулира дека Чаби Алонсо ќе биде наследникот на легендарниот италијанец, а Морето вели дека шпанецот веќе одлучил и ќе биде нов тренер на „кралскиот“ клуб.
Во пакет со Чаби Алонсо на „Сантијаго Бернабе“ треба да пристигне и Флоријан Вирц, најдобриот фудбалер на Баер Леверкузен, со кого заедно сензационално дојдоа до трофејот во Бундес лигата минатата сезона.
Освен Вирц, Чаби Алонсо треба да ги добие и Трент Александер-Арнолд, Алфонсо Дејвис, но и уште еден централен дефанзивец.
