Во фудбалот има потребата од гол-технологија и навистина е чудно зошто ја нема во шпанската лига, која е една од најсилните на светот.
Вака се остава простор за шпекулации и сомнежи при некои спорни ситуации, како синоќешната, кога голманот на Реал Мадрид, Андриј Лунин, ја извади топката од гол-линија по шут на Ламин Јамал.
Спроведувањето на технологијата „Соколово око“ ќе ја чини Ла Лига четири милиони евра по сезона. Оваа технологија веќе се користи во важни натпреварувања како Лигата на шампионите, Премиер лигата и Бундеслигата.
Судиите во ВАР ја анализираа ситуацијата и на крајот беше пресудено дека нема гол за Барселона, а во тој момент од првото полувреме резултатот беше 1-1.
Француската телевизија Канал+ ја искористи својата 3Д технологија за да го анализира спорниот момент. Заклучокот е дека топката не е целосно 100 проценти зад гол-линијата, што значи дека проценката на судиите е добра и ова не е гол.
Piłka 𝐍𝐈𝐄 przekroczyła linii bramkowej!❌ VAR ostatecznie podjął słuszną decyzję!👍
📺 El Clasico możecie oglądać w CANAL+ PREMIUM i CANAL+ online: https://t.co/ZOdlmLP9Cz pic.twitter.com/Pr1HoxbQ7T
— CANAL+ SPORT (@CANALPLUS_SPORT) April 21, 2024
