Еден од најдобрите фудбалери на денешницата, Мохамед Салах, заработи повреда на мечот од Африканскиот куп на нациите, на дуелот помеѓу Египет и Гана. Тоа предизвика паника не само во неговата татковина, туку и во редовите на Ливерпул, кој може да остане без својот најдобар фудбалер.
Црвените од Енфилд веднаш испратија своја медицинска екипа во Брегот на Слоновата Коска за да го прегледа Салах, а резултатите покажуваат дека тој ќе мора да паузира седум дена дека и да ги пропушти следните два дуела на Египет, против Зелонортските Острови од групната фаза, како и осминафиналето.
Откако се уверија во тежината на повредата, Ливерпул и Јирген Клоп во договор со Фудбалската федерација на Египет одлучија фудбалерот веднаш да се врати во Ливерпул и таму да ја има рехабилитацијата, а доколку Фараоните се пласираат во четвртфиналето, тој повторно да отпатува за Брегот на Слоновата Коска и да настапи за својата репрезентација, потег кој не е виден во минатото во светот на фудбалот.
