Алфонсо Дејвис е најбрзиот играч во Бундеслигата и извонредниот дефанзивец на Баерн има интересна видеообјава по вчерашната церемонија на доделување на Златната топка, што ја доби Лео Меси, а извиси неговиот соиграч Роберт Левандовски.
„Левандовски заслужи да биде лауреат и да има Златна топка. Сите го велат тоа. Ако веќе не му ја дадоа сега, треба да му ја доделат за претходната сезона, кога никој не ја доби. Тоа е единственото фер решение. Инаку сум бесен и би удрил некого сега“, вели Дејвис.
Alphonso Davies (on Lewandowski not winning the Ballon d’Or): “Lewandowski deserved to win it, no cap. Atleast give him the award for last year – you know what I’m saying? I am so mad, I want to punch something." from soccer
Левандовски, кој е крал на стрелците за ланската сезона, зааврши на второто место во гласањето на 180 новинари од целиот свет во изборот на „Франс фудбал“, а Меси по седми пат ја доби Златната топка.
Таквиот исход предизвика многу реакции и речиси без исклучок мислењето е дека популарниот Лева заслужи да има барем една награда Балон Д`Ор.
Се јави и Луис Суарес, првиот Шпанец што ја освои Златната топка во 1960 година, и изјави дека тој ќе му ја даде својата награда на Полјакот ако „Франс фудбал“ не му ја додели на Левандовски.
Лани требаше да ја добие, но Златната топка не беше доделена поради пандемијата со ковид-19.
„Франс фудбал“ дури измисли нова награда за ова издание и Левандовски доби награда за најдобар стрелец во сезоната 2020/21, која досега не постоеше.
