Екипата на МЗТ Скопје Аеродром ја оправда фаворитската улога против босанскиот претставник Јахорина, и со 96-77 славеше во дуелот од АБА 2 лигата одигран во „Јане Сандански“.
Македонскиот првак имаше контрола врз резултатот во најголем дел од мечот, а ако во првото полувреме нападот беше тој што донесе предност, одбраната профункционира во вториот дел за трета победа во четири кола, па сега МЗТ е на делба на првото место со Широки и Хелиос.
Најрасположени поединци во победничкиот тим беа Американците Меккејден со 28 и Гил со 19 поени. Дамјан Стојановски уфрли 13 поени.
