Швајцарската организација за фудбалска статистика, Swiss football data, ги направи своите пресметки пред почетокот на Европското првенство во Германија. Тие направија над 10.000 симулации и ги користеа ранг-листата на ФИФА, рејтинзите на ЕЛО, но и формата на репрезентациите за да одредат кој има најголеми шанси да ја освои европската титула.
Изненадувачки, најголеми шанси има Португалија, дури 20%, па следува Франција со 16,1%, потоа Шпанија со 15,8%, Белгија со 12,4% и првата петорка ја затвора Хрватска со 7,4% шанси за освојување на Европското првенство.
Најголемиот фаворит според квотите, Англија, според оваа пресметка е дури на седмата позиција, домаќинот Германија е осми, додека бранителот на трофејот, Италија, е на деветтата позиција со 4,1% шанси да го одбрани тронот. Словачка и Грузија имаат 0% на дното од оваа листата, додека пред нив се Полска и Албанија со минимални 0,1%.
https://twitter.com/swissfootdata/status/1800144976204190078?ref_src=twsrc%5Etfw%7Ctwcamp%5Etweetembed%7Ctwterm%5E1800144976204190078%7Ctwgr%5E28f1e43dd569078a50f5f0c96b89dade59cc9213%7Ctwcon%5Es1_c10&ref_url=https%3A%2F%2Fwww.index.hr%2Fsport%2Fclanak%2Fsvicarski-statisticari-hrvatska-je-peti-favorit-eura%2F2572623.aspx
