Новак Ѓоковиќ со убедлива победа од 2-0 (6-3, 6-2) против Диего Шварцман тргна во поход на нов пехар на АТП финалниот турнир кој се одржува во Лондон. Првиот светски рекет експресно го реши аргентинскиот тенисер за помалку од час и 20 минути, дозволувајќи само еден изгубен сервис.
A very nice start 👏@DjokerNole leads Schwartzman 6-3 at the #NittoATPFinals
🎥: @TennisTV pic.twitter.com/ChiVHShJXV
— ATP Tour (@atptour) November 16, 2020
Ова беше трета пресметка меѓу Ѓоковиќ и Шварцман од дуелот во Рим во мај 2019 година, кога Диего последен пат успеа да освои сервис против српскиот тенисер. Инаку Ѓоковиќ ја оствари шестата победа во исто толку дуели против моментално деветтиот најдобар тенисер во светот.
Иако Шварцман изненади на стартот со брејк за 2-1 во гемови, Ѓоковиќ веднаш возврати, па од тој момент сè му одеше од рака на Србинот. Победата ја оствари откако ја искористи третата меч-топка.
