Женската фудбалска репрезентација на Шведска е вториот полуфиналист на Светското првенство кое се одржува во Австралија и Нов Зеланд.
Швеѓанките во четвртфиналето беа подобри од Јапонија со 2:1 и си закажаа полуфинална пресметка со Шпанија, која во првото четвртфинале ја победи Холандија со 2:1.
Шведска во нокаут-фазата повторно елиминира селекција која била светски шампион. Јапонките ја освоија титулата во 2011 година, а во осминафиналето по подобро изведување пеналите беше подобра од сè уште актуелниот светски шампион, САД.
Ова ќе биде петто полуфинале за Швеѓанките, кои досега трипати го освојувале третото место.
Победата на Шведска ѝ ја донесоа Илештед и Ангелдал со головите во 32-рата и во 51-вата минута. Головите кои ги постигнаа фудбалерките на Шведска може да ги погледнете ТУКА и ТУКА.
Јапонките во 74-тата минута не реализираа пенал преку Уеки, но во 87-мата минута внесоа неизвесност со голот на Хајаши, кој може да го видите на следниот ЛИНК. Сепак, до крајот на мечот Јапонките не успеаја да постигнат уште еден гол и да го однесат мечот во продолженијата.
