Англискиот првак Манчестер сити најверојатно ќе биде без првиот напаѓач Серхио Агуеро на вечерашното гостување кај Ватфорд. Агуеро се жали на повреда на мускулот на ногата и поради тоа не играше на дуелот против Борнмут во победата од 3-1. Тренерот на „граѓаните“, Пеп Гвардиола, вели дека не е потребно да се ризикува со Агуеро.
„Последната одлука ќе ја имаат докторите. Засега ништо не се знае. Во декември имаме тежок распоред и не сакаме да го изгубиме на подолго време“, рече Гвардиола, кој непосредно пред мечот ќе одлучи дали Агуеро ќе игра.
За разлика од аргентинскиот голгетер, сигурно е дека денеска нема да настапи Кевин де Бројне. Белгиецот уште не е доволно закрепнат по повредата од пред повеќе од еден месец.
Борнмут е тим кој е на средината на табелата во Премиер лигата, а на домашен терен игра променливо, па билансот сезонава му е три победи, две ремија и два порази. Неверојатниот Манчестер сити, кој уште е без пораз, на гости има четири победи и две ремија, но посебно е импресивна одбраната на „граѓаните“, кои на противнички терен досега примиле само еден гол во 540 минути.
