Јувентус на 11 март објави дека нивниот играч Даниеле Ругани е заразен од Коронавирус и со тоа италијанскиот дефанзивец стана првиот фудбалер на светот кој е позитивен на КОВИД-19.
По обелоденувањето на таа информација, Серија А беше прекината, а по нивни стапки тргнаа и останатите европски лиги, УЕФА го откажа Европското првенство, ги одложи Лигата на шамионите и Лигата на Европа. Но, во меѓувреме се појави информација дека Старата дама знаела дека Ругани е заразен и тоа го криеле само за да се одигра мечот со Интер. Јуве го доби дербито пред празни трибини и се искачи на првото место на табелата, што би им донело титула ако се прекине шампионатот.
Девојката на Ругани, Микела Персико, рече дека Даниеле барал да биде тестиран на 8 март, на денот кога играа Јуве и Интер. Ругани беше на клупата за резерви, а резултатите од испитувањето ги добил утредента.