Оле Гунар Солскјер му упати интересна порака на Единсон Кавани со цел да го задржи Уругваецот во Манчестер јунајтед барем уште една сезона.
„Остани во Манчестер јунајтед за да го почуствуваш амбиентот кога се дава гол пред 70-80 илјади гледачи на Олд Трафорд, пред најдобрите навивачи на светот. Нема подобро“ му порача Соскјер на двојниот стрелец против Рома.
Кавани се уште нема играно пред полн капацитет на „Олд Трафорд“, откако е играч на Манчестер јунајтед, секако поради пандемијата со Ковид-19 и забраната за посета на навивачи на трибините на култниот стадион.
Вчера Уругваецот со два гола на почетокот на второто полувреме донесе пресврт против Рома во победата од 6:2, а покрај двата погодоци имаше и две асистенции.
Кавани најави дека ќе го разгледа предлогот на Манчестер јунајтед за продолжен престој за уште една година.
