Мечот од српската лига „Запад“ меѓу Борац Чачак и Полет има и трето полувреме. Мечот кој го добија домаќините со 3:1, стигна до надлежните органи во УЕФА.
„Голема срамота за српскиот фудбал. Криминал. Го пријавив мечот како сомнителен и од УЕФА добив одговор дека надлежната комисија за наместени мечеви ќе го преземе случајот. Дадов и видеозапис од случувањата на стадионот во Чачак. Целата приказна е очигледна, толку јасна што на снимките сè се гледа. Нека дознаат луѓето до каде е дојден фудбалот во Србија“, вели некогашниот ФИФА судија и сега суспендиран претседател на организацијата на судии во ФС Регионот на источна Србија, Нинослав Спасиќ.
На сомнителниот меч, по првото полувреме немаше голови, а во вториот дел први погодија гостите. Откако Полет поведе со 1:0, гостинските фудбалери почнаа буквално да се тргаат од топката, па домашните играчи лесно постигнаа три погодоци и направија пресврт.
Сомнителните ситуации почнуваат од 4:20 минути на видеото.
