Македонската одбојкарска репрезентација ќе го почне историскиот настап на Европското првенство против Финска на 12. септември.
Европската одбојкарска Конфедерација го одреди распоредот по групите, а Финците ќе ни излезат на мегад на премиерата за нас. Следниот ден ќе играме со Турција, а на 14. септември следи најтешкиот меч, против актуелниот европски првак Русија.
Потоа ќе имаме ден за пауза, па на 16. септември противник ќе ни биде Белорусија, а фазата по групи ќе ја завршиме со меч против домаќинот Словенија.
Сите дуели ќе ги играме во салата „Стожице“ во Љубљана, а пласман до четвртото место во групата не носи во осминафиналето.
