Пријателскиот меч помеѓу Србија и Словенија кој се одигра вечерва во белградската Арена, покажа зошто нашите соседи се сметаат за главни фаворити за титулата на претстојното Европско првенство.
Србите ја разбија Словенија со 106-72, имаат тим во кој не знаеш од кого попрво да се чуваш и ако ја задржат формата, тешко дека некој може да ги запре.
Лука Дончиќ и другарите беа немоќни да се одбранат од Јовиќ, Јокиќ, Богдановиќ, Милутинов, Вукчевиќ, Мициќ, па Србија водеше со дури 35 поени разлика по завршувањето на третата четвртина.
