Репрезентацијата на Србија се пласираше во главната групна фаза од Светското ракометно првенство за жени откако во дректен дуел славеше против Словенија со 29:27 во последното, петто коло од групата А.
Србинките беа фаворитки пред мечот, но Словенија одлично започна и поведе со 5:0. Сепак, ракометарките на Србија брзо се созедоа и почнаа да ја топат предноста на противникот, а на крајот од првото полувреме стигнаа и до првата предност 12:11. Во вториот дел продолжи неизвесноста. Двете селекции се менуваа во водство, а во финишот се влезе со 27:27. Кристина Лишчевиќ погоди двапати во последната минута за победа на Орлите, а елиминација на Словенија.
Во директен дуел за првото место, Шпанија во неизвесна завршница ја победи Црна Гора со 27:26 и Црвената фурија остана перфектна.
Во останатите денешни мечеви: Бразил – Австралија 31:9, Јапонија – Кина 35:18, Сенегал – Казакстан 30:20, Ангола – Куба 40:30, Аргентина – ДР Конго 25:16, Германија – Јужна Киреја 27:27, Романија – Унгарија 28:27, Франција – Данска 18:20, Холандија – Норвешка 30:28, Русија – Шведска 30:22.
Во главанат групна фаза на СП поминаа најдобропласираните три селекции од сите четири групи.
Во групата А ќе играат: Холандија, Јужна Кореја, Норвешка, Германија, Србија и Данска.
Во групата Б ќе играат: Шпанија, Русија, Црна Гора, Шведска, Романија, Јапонија.
Холандија и Шпанија прекесуваат по максимални 4 бода, додека Црна Гора и Норвешка веќе имаат по 2 бода во новата група.
