Тренерот на Црвена ѕвезда, според информациите, има шанса да го преземе кормилото на Сампдорија, што би значело дека ќе биде ривал со Горан Пандев во дербито на Џенова.
Роберто Д’Аверса е пред отказ во Сампдорија и наводно последна шанса за спас за да ја задржи позицијата тренер на шампионот од 1991 година му е победа против Салернитана, но дел од италијанските медиуми тврдат дека и тоа нема да го спаси и дека раководството на тимот од Џенова веќе бара нов кормилар.
Популарната Сампа е на 18-тото место само со 9 бода од 12 натпревари во Серија А во конкуренција на 20 клуба, што го вклучи алармот во клубот.
Имаат три порази по ред и сега тренерот на Црвена Ѕѕезда, Дејан Станковиќ, е меѓу главните кандидат за да го преземе кормилото на клубот.
Тоа би значело дека популарниот Деки би бил ривал на нашиот Пандев и на новиот тренер на Џенова, Андриј Шевченко, во големото градско дерби на Џенова.
Токму Пандев и Станковиќ беа во главната улога во јануари 2004 година, кога беа заменети во Интер и Лацио. Станковиќ замина во Интер, а Пандев дојде во трампата во Лацио.
Сепак, потоа заедно играа во шампионската генерација на Интер што во 2010 година ја освои триплетата, односно Скудетото во Италија, Лигата на шампионите и Купот на Италија.
