Ѕвездата на Голден стејт вориорс, Стеф Кари, изјави дека во иднина би можело да се кандидира за претседател на САД.
Тој ова го изјави во разговорот за емисијата „Си-би-ес морнингс“.
„Заинтересиран сум да го искористам секој дел од моето влијание за добри работи. Ако тоа е начинот да го сторам тоа, тогаш јас сум за“, изјави Кари.
Тој потоа објасни дека фокусот не му е насочен кон претседателската функција, но не не ја исклучува можноста да влезе во политиката во иднина.
„Не велам дека тоа е претседателска функција, но доколку политиката претставува начин да се направат промени или ако постои друг начин надвор од политиката кои можеме да го сториме тоа, ќе го направам тоа“, изјави Кари.
Политиката не му е непозната на Кари бидејќи од 2022 година е член на одговорот на иницијативата на поранешната прва дама на САД, Мишел Обама „Кога сите гласаме“, а не ја пропушта можноста да го поддржи актуелниот претседател Џо Бајден.
Тој во освојувањето на титулата на Голден стејт во времето кога Доналд Трамп беше претседател на САД изјави дека не сака неговиот тим да оди на традиционалната посета во Белата куќа, поради што Трамп веднаш преку социјалните мрежи му порача дека поканата е поништена.
