Голден Стејт вориорс загуби на домашен терен од Лос Анџелес клиперс со 125:130, но мечот ќе се памети по играта на првата ѕвезда на Воините, Стеф Кари. Најдориот шутер тројкаш во историјата на НБА-лигата постави уште еден рекорд.
Тој стана првиот играч кој на четири натпревари по ред постигнува седум или повеќе тројки. Против ЛА клиперс, Кари даде 41 поен, но на крајот се радуваа гостите. Освен тројките на теренот, Кари имаше потег кој ќе се прераскажува.
Пред почетокот на мечот, додека се загреваа, Кари постигна неверојатен кош. Тој е познат како играч кој сака да шутира од различни позиции, а овојпат реши да ја фрли топката кон кошот и тоа од тунелот кој води кон соблекувалните.
Тоа е позиција коа е одалечена од кошот речиси 40 метри, а Кари успеа на неверојатен начин да постигне кош.
Alternate angle pic.twitter.com/ydE0qRFlkr
— RGF (@rgfray1) February 15, 2024
