Басконија успеа да ја победи ЦСКА Москва со 95:93 во драматичен финиш во дербито на 18. коло во Евролигата, а трагичар беше Летонецот Стрелниекс со промашено слободно фрлање на 9 секунди до крај.
При резултат 94:91 за Басконија, Стрелниекс мудро го намести Полонара на фаул за три слободни фрлања, но погоди само две. Го утна последното и драмата продолжи, кога на спротивната страна и Јусуфа Фал погоди само едно слободно фрлање.
Последниот напад го имаа гостите, кои се лидери во Евролигата, но Мајк Џејмс не успеа да погоди за продолженија.
What a finish from Joel Bolomboy!#7DAYSMagicMoment pic.twitter.com/3GW3IMS15P
— Turkish Airlines EuroLeague (@EuroLeague) January 7, 2021
ЦСКА го доживеа четвртиот пораз во 18 кола, но остана на првото место пред шпанското дуо, Реал Мадрид и Барселона.
Басконија ја забележа деветтата победа и се проби на 9. место на табелата. Вечерва во шпанското дерби Барселона беше подобра од Валенсија и славеше со 89:72.
Резултати: Црвена Ѕвезда – Фенербахче 71:73, Алба – Макаби 73:85, Панатинаикос – Зенит 77:89, Басконија – ЦСКА 95:93, Барселона – Валенсија 89:72.
