Борусија Дортмунд наскоро ќе го официјализира трансферот на Џуд Белингем за сума од 23 милиони евра. Англискиот второлигаш Бирмингам се договори со Милионерите околу цената, а талентираниот играч за врска веќе ги завршил медицинските прегледи во пресрет на потпишувањето на петгодишниот договор.
Германскиот вицепрвак ја доби трката за чудото од дете од Бирмингам, за кое силно загриза и Манчестер јунајтед, меѓутоа Црвените ѓаволи не беа доволно упорни во намерите да го ангажираат.
Белингем ќе го облече жолтиот дрес само на 17 години и од него се очекува во иднина да прерасне во ѕвезда. Англичанецот сезонава настапи на 39 меча во Шампионат лигата, на кои реализира три гола и четири асистенции.
