Шампионот Бостон селтикс се намачи, но на крајот победи на свој терен против Торонто во меч на кој мораше да се играат дополнителни пет минути, односно да има продолжение. На крајот, Бостон победи со 126:123.
Бостон важеше за огромен фаворит на овој меч, но Торонто имаше шанса и да победи бидејќи водеше со 114:112 во завршницата на регуларниот дел, но Бостон даде кош за нерешено. Во продолжението, повторно беше нерешено 123:123, кога Татум погоди тројка од тешка позиција и тоа со звукот на сирената, за голема радост на домашните навивачи.
На крајот, Татум заврши со 24 поени, 11 скокови и девет асистенции, а Џејлен Браун додаде 27 поени за победничкиот тим. Кај Торонто, Џекоб Поелт заврши со 35 поени и 12 скока, а РЏ Барета имаше трипл-дабл од 25 поени, 10 скокови и 15 асистенции.
Had a chance to end it at the buzzer in regulation…
But JT got his redemption in OT. #TissotBuzzerBeater 🚨 pic.twitter.com/C035I6li3T
— NBA (@NBA) November 17, 2024
Лос Анџелес лејкерс ја потврди фаворитската улога и со 104:99 славеше на теренот кај Њу Орлеанс. Енрони Дејвис имаше 31 поени и 14 скокови, додека Леброн Џејмс заврши со 21 поени и седум скока.
Сакраменто на свој терен ја победи Јута со 121:117, Далас беше убедлив и со 110:93 беше подобар од Сан Антонио, а Шарлот пред своите навивачи, тесно со 115:114 беше подобар од Милвоки.
