Манчестер јунајтед се пласира во полуфиналето на Лига купот откако без многу мака со 3:0 го победи Чарлтон, во меч кој има посебно значење за тренерот Ерик тен Хаг. Откако е дојден холандскиот стратег на „Олд Трафорд“, англискиот гигант стигна до 20 победи само во 27 меча во сите натпреварувања.
Ваков добар старт на еден нов тренер немало никогаш во повеќе од еновековната традиција на Црвените ѓаволи. Успехот на Тен Хаг е уште поголем ако се знае каков беше билансот на клубот во минатата сезона.
Манчестер јунајтед ланската сезона требаше да одигра дури 49 натпревари за да стигне до 20 победи, што е дури 22 средби повеќе од тоа што сезонава им требаше под водство на новиот тренер Тен Хаг.
20 – Erik ten Hag has won 20 of his first 27 games in charge of Man Utd, the fewest games taken to reach 20 competitive wins by any manager in the club’s history. Dreams. pic.twitter.com/Txlbqh6fz7
— OptaJoe (@OptaJoe) January 11, 2023
