Менаџерот на Манчестер јунајтед, холандскиот стручњак Ерик Тен Хаг, откри дека не разговарал со Кристијано Роналдо после интервјуто во кое Португалецот ги критикуваше и него и клубот, а одлуката за разделба била на Роналдо.
„Како се чувствувам во врска со ситуацијата до Роналдо? Тоа е веќе во минатото. Гледаме само во иднината, одиме напред. Немам разговарано со него после интервјуто. Сакаме да избрадиме нова иднина за Манчестер јунајтед, а тој не сакаше да биде дел од тоа“ – објасни Тен Хаг, кој додаде дека не сака веќе да троши енергија на оваа тема и фокусиран е на успешно завршување на сезоната.
По раскинот на договорот со Црвените ѓаволи, 37-годишниот Роналдо уште е без клуб.
