Еден од најбараните млади фудбалери во Европа е талентот на Црвена ѕвезда, Андрија Максимовиќ. Медиумите во регионов се преполни со написи за интересот на Ливерпул за фудбалерот кој сè уште нема наполнето 18 години, но генералниот директор на „црвено-белите“ вели дека дури седум клуба го сакаат младиот Србин.
„Точно е. Читав во медиумите за интересот на Ливерпул. Нема да споменувам имиња, но има шест или седум заинтересирани клубови. На сите им ја испративме цената, 20 милиони евра. Некои клубови се подготвени да платат фиксна сума, некои со бонуси, размислуваме, ќе видиме. Максимовиќ може да си замине дури налето, кога ќе наполни 18 години“, вели Терзиќ.
Медиумите шпекулираат дека Ливерпул е подготвен да плати 15 милиони евра за фудбалерот на Црвена ѕвезда.
