Тренерот на Славија Прага, Јинжих Трпишовски, пред соочувањето на неговиот тим со силната Барселона, рече дека индивидуалниот квалитет на поединци како Меси или Суарес, е големата предност на каталонците.
„Го гледав мечот со Еибар кој го одлучи индивидуалниот квалитет. Еибар беше подобар 15 минути, но беше казнет. Против Барселона мора да се користат шансите. Ова е спорт, се игра 11 против 11, мора да бидеме оптимисти. Минатиот пат кога Барселона гостуваше во Прага во 2011 година против Викторија Плзен, јас не бев ниту на стадион, гледав на телевизија, а Меси даде три гола. Тој е фудбалски гениј. На моите играчи им реков дека тој што ќе го запре Меси, ќе стане бессмртен“ – изјави Трпишовски.