Претседателот на Тотенхем, Даниел Леви, го означи напаѓачот на Ајнтрахт Франкфурт, Рандал Коло Муани, како главен приоритет во летниот преоден рок, и кој треба да претставува замена за Хари Кејн.
Леви е свесен дека не може да го задржи Кејн, напаѓачот на кого договорот му истекува идното лето, одби да потпише нов договор со премиерлигашот кој ќе му носеше рекордни 400.000 фунти неделно, бидејќи сака да ја продолжи кариерата во Баерн Минхен.
Кејн ги договорил личните услови со германскиот шампион кој му го нуди тоа што не може Тотенхем – трофеи и битка за титулата во Лигата на шампионите.
Сопственикот на Тотенхем, Џо Луис, веќе му дал зелено светло на Леви да го продаде Кејн и веднаш да ја донесе неговата замена.
💣🚨 EXCL. Randal Kolo Muani to be the priority target striker for Harry Kane's replacement at #Tottenham !
🗣️ Interest's huge and talks on player's side has just started. I understand this deal could happen as ENIC Group gave green light to Daniel Levy for a sale of Harry Kane.… pic.twitter.com/QEHTZZreEB— Sacha Tavolieri (@sachatavolieri) July 24, 2023
Леви сака да го ангажира Коло Муани за 80 милиони евра, но проблем за него претставува податокот дека интерес за францускиот репрезентативец пројавува ПСЖ кој бара замена за Килијан Мбапе.
ПСЖ веќе еднаш тропна на вратата на Ајнтрајт и беше одбиен бидејќи челниците на германскиот тим бараат 100 милиони евра отштета.
