Струга Трим Лум е домаќин на Пелистер во денешниот меч со кој стартува 26. коло на Прва фудбалска лига на Македонија. Стружани го загубија чекорот во трката за горниот дел од табелата, но се мирни на средината од табелата.
Пелистер засега е мирен што се однесува до зоната за испаѓање, но доколку влезе во серија порази, битолчани може да дојдат во незавидна ситуација.
Традицијата апсолутно е на страна на Струга ТЛ затоа што во последните шест меча, стружани имаат пет победи и едно реми. На шест од последните седум дуели еден од тимовите не постигнувал гол, што значи дека е НГ.
Освен дуелот од Прва лига, денеска се играат и средбите од 23 коло во Втора лига. Од оваа лига се издвојува градската пресметка меѓу Македонија Ѓорче Петров и Скопје. Тимот од Ѓорче Петров е лидер на табелата и кога игра дома сезонава е со биланс од девет победи, едно реми и само еден пораз, со убедлива гол разлика од 28 дадени и само два примени гола.
