Спортот во Колумбија е завиен во црно откако беше убиен претседателот на второлигашот Тигрес, и тоа веднаш по натпреварот кој неговата екипа го загубила со 3-2 од Атлетико де Кали.
Шеесет и тригодишниот Едгар Паес е убиен во своето возило веднаш по натпреварот, и тоа пред очите на неговата ќерка. Во него се испукани четири куршуми кои завршиле во главата и вратот. Веднаш бил префрлен во болница, но од тежината на повредите починал.
Колумбиските медиуми шпекулираат со можноста дека мотивот на убиството е наводно местење на натпревари.
Сите натпревари во Колумбија ќе започнат со едноминутно молчење, а играчите ќе носат црна лента на дресовите.
