Нов тежок инцидент се случи на кошаркарски меч во регионов, откако на дуел од второто коло во Прва лига во Република Српска (Босна и Херцеговина), еден играч буквално збесна. Откако се појави снимка на масовна тепачка на кошаркари во една регионална лига, овојпат во „главна улога“ беше само еден играч-силеџија.
Новиот инцидент се случи на дуел меѓу Варда од Вишеград и Слобода 73 од Босански Нови, кога гостинскиот центар Александар Божиќ неочекувано здиве.
Се играше втората четвртина кога врз Божиќ беше направен фаул, а тој најпрво со топка удри еден противнички играч директно во главата, за потоа да нокаутира друг кошаркар.
По овој инцидент страстите се смирија, а на крајот Варда победи со 66:58.
