Црвена Ѕвезда не дозволи нов драматичен пораз во Евролигата од шпанска екипа и вечерва ја победи Валенсија на гостински терен со 77:75 во нов драматичен меч.
Црвено-белите очигледно ја научија лекцијата од поразот против Барса во минатото коло, кога загубија добиен натпревар, па сега не дозволија реприза.
Црвена Ѕвезда водеше со 9 поени разлика, 72:63 и дозволија Валенсија да се доближи на само едне поен минус, но не го загубија мечот, благодарение на прецизно изведените слободни фрлања на Недовиќ и на Петрушев кои беа најефикасни на мечот.
Петрушев даде 25 поени со 9 скока, а Недовиќ уфрли 19 поени со шест асистенции.
Валенсија промаши последен удар за тројка и за победа и не успеа да го повтори подвигот на Барселона.
Во останатите натпревари Ефес го победи Лион со 78:72, Олимпијакос беше подобар од Милано со 82:66 и Реал Мадрид го декласира Макаби Тел Авив со 98:65.
