Српските кошаркарски клубови Црвена Звезда и Партизан официјално добија покана за настап во Евролигата и следната сезона. Двата клуба ќе мораат да платат сума од по еден милион евра, 750.000 за специјалната покана и уште 250.000 евра за судиските трошоци.
Сигурни учесници во Евролигата следната сезона се Реал Мадрид, Барселона, Басконија, Олимпијакос, Панатинаикос, Анадолу Ефес, Фенербахче, Асвел, Парис, Монако, Макаби Тел Авив, Жалгирис, Баерн Минхен и Олимпија Милано.
Црвена Звезда и Партизан речиси сигурно ќе ги платат бараните трошоци за да играат во Евролигата и следната сезона. Комплетната листа на учесници ќе биде официјално соопштена кон крајот на јуни, а новата сезона започнува на 5. октомври.
