Претседателот на Светската фудбалска федерација (ФИФА), Џани Инфантино, предложи да биде укината забраната која во 2022 година ја доби Русија за настап на меѓународни спортски настани. ФИФА и УЕФА тогаш решија репрезентацијата на Русија и екипите од оваа земја да не смее да настапуваат на меѓународни настапи организирани под капата на двете најсилни и највлијателни фудбалски куќи.
„Мора да го разгледаме враќањето на Русија, дефинитивно, бидејќи оваа забрана не постигна ништо. Само создаде поголема фрустрација. Многу би помогнало кога девојчињата и момчињата од Русија би можеле да играат натпревари во другите делови на Европа“, рече Инфантино.
По оваа изјава на Инфантино, експресно стигна реакција од Украина. Украинскиот министер за надворешни работи, Андриј Сибиха, го нарече Инфантино „морален дегенерик“. А министерот за спорт на земјата, Матвиј Бидни, ги опиша изјавите на Швајцарецот како „неодговорни“. Украинската фудбалска асоцијација (УФА) пак издаде соопштение во кое тврди дека забраната треба да остане на сила додека трае војната.
Сибиха конкретно се осврна на оваа изјава и направи историска споредба.
„Дури 679 украински девојчиња и момчиња никогаш нема да можат да играат фудбал затоа што Русија ги уби. И продолжува да убива, додека моралните дегенерици предлагаат укинување на санкциите, иако Русија не ја завршила својата војна. Идните генерации ќе го гледаат ова како срам што потсетува на Олимписките игри во 1936 година“, напиша украинскиот министер за надворешни работи на социјалните мрежи.
679 Ukrainian girls and boys will never be able to play football — Russia killed them.
And it keeps killing more while moral degenerates suggest lifting bans, despite Russia’s failure to end its war.
Future generations will view this as a shame reminiscent of the 1936 Olympics. pic.twitter.com/elakyRgeIZ
— Andrii Sybiha 🇺🇦 (@andrii_sybiha) February 2, 2026
