Сараево продолжува со засилувањата од македонски фудбалери. По Стефан Ристовски и Агон Елези, клубот е на чекор до потпис со искусниот напаѓач Илија Несторовски (35), кој наскоро ќе го раскине договорот со хрватскиот Славен Белупо.
Главна алка за сето ова секако е актуелниот спортски директор на Сараево, Крсте Велкоски, кој со овие фудбалери играше заедно во македонскиот национален тим и многу добро ги познава нивните квалитети.
Несторовски има богато искуство во Италија, настапувајќи за Палермо, Удинезе и Асколи, а за македонската репрезентација одиграл 51 натпревар и постигнал 10 голови. Најуспешниот период од кариерата го имаше во Палермо, каде во 99 натпревари постигна 39 голови и 10 асистенции.
