Холандија вечерва ја пречекува Германија во дербито на денот, од квалификациите за ЕП 2020 година. „Лалињата“ играат пред своите навивачи, но тоа не мора многу да значи, посебно кога против себе имаат гигант како што е Германија.
Еден од најдобрите одбранбени играчи во светот Вирџил Ван Дајк ќе биде задолжен да ги спречи нападите на гостите. Во пресрет на мечот Ван Дајк се потсети на еден многу лош момент од неговиот живот. Пред точно 10 години, односно кога имал само 17 години, малку фалело тој да умре.
Тогаш тинејџерот Ван Дајк играше за Гронинген, кога ненадејно добил напад на слепо црево. Додека се направила интервенцијата, цревото пукнало, а по направената операција лекарите оставиле времето да покаже дали Вирџил ќе преживее.
Благодарение на добрата физичка подготвеност и редовните тренинзи, организмот на Ван Дајк успеал да се избори и тој преживеал.
„Тоа беше ужасно искуство. Ја погледнав смртта директно в лице. Прв пат во животот фудбалот не ми значеше ништо и не ми беше битен. Единствно што сакав беше да останам жив. додека лежев во болницата, ми доаѓаа секакви мисли“, вели Ван Дајк.
